Трамп пен Нетаньяхудың үстінен «адамзатқа қарсы қылмыс жасады» деген шағым түсірілді
АҚШ пен Палестина азаматтарының бір тобы Трамп пен Нетаньяхуға қарсы басып алынған Палестина жерінде «адамзатқа қарсы соғыс қылмыстарын жасады» деген шағым түсірді.
«Спутник» ақпарат агенттігінің хабарлауынша, АҚШ пен Палестина азаматтарының бір тобы АҚШ-тағы бір федералдық сотта Дональд Трамп пен Беньямин Нетаньяху және Трамптың күйеу баласы әрі кеңесшісі Джордж Кушнердің үстінен басып алынған Палестина жерінде «адамзатқа қарсы соғыс қылмыстарының жасалуын қолдады және соған итермеледі» деген шағым түсірді.
АҚШ пен Палестина азаматтары бұл шағымды сейсенбі күні Колумбия сотына берді.
Қаңтар айында Дональд Трамп пен Беньямин Нетаньяху Палестинаға қатысты «Ғасыр мәмілесі» атты жобаны таныстырды. Бұл жоба іс жүзінде 1967 жылғы шекараларға көңіл аудармай, БҰҰ-ның екі мемлекет туралы жобасын аяқ асты етіп отыр.
