Пелоси: Трамп әлем мен АҚШ халқын қатерге тігіп отыр

АҚШ Конгресі Өкілдер палатасының басшысы ел Президентінің ДДСҰ-ға қарсы шешіміне реакциясында: «Трамп осы ісімен әлем мен АҚШ халқын қатерге тікті»,-деді.

Reuters ақпарат агенттігінің хабарлауынша, Нэнси Пелоси сәрсенбі күнгі мәлімдемесінде АҚШ Президенті Дональд Трамптың ДДСҰ-ға қаржылай көмекті уақытша тоқтату туралы шешімін қатерлі, заңсыз әрі қисынсыз деп атап, оның тез түйткілге ұшырайтынын айтты.

Пелоси: «ДДСҰ коронавируспен жаһандық күресті басқаруға талпынып жатқан шақта, өкінішке орай, Трамп бірінші күннен бастап БҰҰ-ға қарасты осы халықаралық ұйымның мамандарына көңіл аудармай, ғылымға немқұрайлы қарап отыр»,-деді.