Еуроодақтың сыртқы саясат жөніндегі басшысы Израильге ескерту жасады

Fars News ақпарат агенттігінің мәліметінше, Жозеп Боррель дүйсенбі күні: «Еуроодақ Израильден палестиналық жерлерді аннексиялауға соқтыратын біржақты шешімдерінен бас тартуды талап етті. Өйткені Израильдің бұл әрекеті халықаралық заңдарға қайшы»,- деді.

Жозеп Боррель осыдан бірнеше күн бұрын Еуроодақтың Израильдің бұл жобасына қысым көрсету үшін кез келген шара қолдана алатынын мәлімдеді.

Сионистік режимнің премьер-министрі Бениямин Нетаньяху жексенбі күні жаңа кабинеттің жұмысы басталған рәсімде Иордан өзенінің батыс жағалауындағы сионистік қалашықтарды басып алынған жерлерге, яғни Израильге қосып алуға талпынатынын айтты.