АҚШ генералы Трамппен бірге қадам басқаны үшін өкініш білдірді

«Спутник» ақпарат агенттігінің мәліметінше, АҚШ біріккен штаб басшысы Марк Милли видео жолдауында: «Сол сәтте менің сол жерде болуым армия елдің ішкі қақтығыстары мен істеріне араласуда деген қате ойға себеп болды»,- деді.

Дональд Трамп пен Марк Милли АҚШ Қорғаныс министрі Марк Эспермен тағы басқа кейбір әскери офицерлер 1 маусымда, полиция күштері Ақ үйдің маңында наразыларды басып-жаншып жатқан жағдайда Ақ үйден шығып, Трамппен суретке түсу үшін Лафайет паркінен өтіп, Сент-Джонс шіркеуіне қарай бет алған болатын.