АҚШ Иранға қарсы қару-жарақ санкциясын ұзарту мақсатына жетпейді
Шіл 27, 2020 11:46 Asia/Almaty
ИИР СІМ-нің ақпарат хатшысы АҚШ-тың Иранға қарсы қару-жарақ санкциясының мерзімін ұзарту үшін басқа елдерге қысым жасап жатқанына тоқталып: «Әлемдік қауымдастық АҚШ-тың заңсыз талап-тілектеріне бас ұрмайды. Вашингтон босқа әуреленіп жатыр»,-деді.
Сейіт Аббас Мусави дүйсенбі күні баспасөз конференциясында АҚШ мемлекеттік хатшысы Майк Помпеоның Иранға қарсы қару-жарақ санкциясын кепілдендіретіні туралы уәждеріне тоқталып: «ИИР дос елдер мен БҰҰ Қауіпсіздік кеңесіне мүше елдерге АҚШ-тың қысымына бола Теһранның №2231 қарарда белгіленген заңды құқығынан бас тартпайтынын мәлімдеді»,-деп баса айтты.