Теһрандағы Ресей елшілігі жанжалды суретке байланысты кешірім сұрады

Ирандағы Ресей елшілігі Твиттердегі жеке парақшасында жанжалды суреттің жариялануына байланысты кешірім сұрады.

Ирандағы Ресей елшілігі бейсенбі күні Твиттердегі жеке парақшасында Ресей мен Ұлыбритания елшілерінің кездесуінде түскен суретке теріс реакция білдірілгенін ескеріп, кешірім сұрады.

Ресей мен Ұлыбритания елшілерінің Ресей елшілігінде түскен суреті кейбір қолданушылар тарапынан Екінші дүниежүзілік соғыс кезіндегі АҚШ, Кеңес одағы мен Ұлыбритания басшыларының кездесуін еске салатын сурет ретінде танылған соң ИИР басшыларының қатаң реакциясына ұшырады.