Тахтраванчи: БҰҰ-ның Ресейге қарсы қарары бейтарап емес

Иранның БҰҰ-дағы өкілі осы ұйым Бас ассамблеясы қарар қабылдағаннан кейін: "Бұл ассамблеяға ұсынылған қарарда бейтараптық пен мəселелерді бейбіт жолмен шешудің реалистік механизмі жоқ",-деді.

БҰҰ Бас ассамблеясы ұсынған қарарға 80 оң дауыс беріліп, Ресейдің Украинадағы арнайы əскери операциясын айыпталып, Ресей күштерінің Украинадан шұғыл түрде шығуы талап етілді.

БҰҰ Бас ассамблеясының қарары 141 оң, 5 теріс жəне 35 қалыс дауыспен қабылданды.

IRNA ақпарат агенттігінің хабарлауынша, Маджид Тахтраванчи сəрсенбі күні БҰҰ Бас ассамблеясының Украина дағдарысына қатысты төтенше отырысының үшінші күнінде қарар дауысқа салынғаннан кейін: "Иран Ресей мен Украина арасындағы қақтығысты зор алаңдаушылықпен бақылап отыр",-деді.

Ол БҰҰ-ның барлық мүшелерінің қарарды дайындауға қатыса алмағанын айтып: "Барлық елдердің егемендігі мен аумақтық тұтастығына толық құрметпен қарап, бейбіт тұрғындардың қауіпсіздігіне кепілдік берілуі тиістігін баса айтамыз",-деді.