Ауыр атлетикадан Азия чемпионатында Иран командасы үшінші орын алды
Қаз 17, 2022 16:15 Asia/Almaty
Иранның зілтемірші ерлер арасындағы ұлттық командасы 631 ұпаймен Азия чемпионатында үшінші орын алды.
6 қазанда Бахрейннің Манама қаласында ауыр атлетикадан басталған Азия чемпионаты жексенбі күні 109 кг салмақтағы үздік зілтеміршілерді анықтаумен аяқталды.
IRNA ақпарат агенттігінің хабарлауынша, Иран Азия чемпионатына толық құрамда 10 зілтеміршімен қатысып, нәтижесінде 631 ұпай жинап, үшінші орын алды. Қазақстан мен Өзбекстан командалары 658 және 655 ұпаймен бірінші және екінші орын алды.
Сондай-ақ Иранның 7 әйел зілтеміршісі Азия чемпионатында 3 алтын медаль алды.
Иранның әйел зілтеміршілер командасы 436 ұпаймен алғаш рет Азия чемпионатында төртінші орынға тұрақтады.
