Парижде шерушілер Францияның НАТО-дан шығуын талап етті

Сенбі күні Парижде наразылар көшеге шығып, Франция үкіметінің Ресейге қатысты саясатына наразылық білдіріп, елдің НАТО-дан шығуын талап етті.

Осы наразылықтарды ұйымдастырған – Флориан Филиппо бастаған "Патриот" оңшыл саяси партиясы. Филиппо күздің басынан бері "Қарсыласу" деп аталатын наразылықтар ұйымдастырып жүр. Ол Францияның НАТО мен Еуроодақтан шығуын талап етіп келеді. Сондай-ақ Эммануэль Макронның сыртқы және экономикалық саясаттарын сынайды.

Сенбі күні шерушілер "Франция НАТО-дан шығуы керек", "Макронға импичмент жариялануы тиіс" және "Қарсыласу" деп жазылған плакаттар ұстап шықты.