Дағыстанда жарылыс болды
Там 16, 2023 00:31 Asia/Almaty
Ресейге қарасты Дағыстан республикасының Денсаулық сақтау министрлігі сейсенбі күні таңертең: "Бір жанармай құю бекетінде болған жарылыстан 27 адам қаза тауып, 100-ден аса адам жараланды",-деп хабарлады.
IRNA ақпарат агенттігінің хабарлауынша, бұл жарылыс дүйсенбі күні кешке Дағыстанның орталығы Махачкала қаласында орын алды.
Жергілікті басшылардың хабарлауынша, жарылыстан туындаған өрт шамамен 500 шаршы метр ауданға таралды, тағы бір жарылыс болу қаупі бар.
Басқа жағынан Ханты-Манси автономды округындағы бір мұнай кенішінде болған жарылыстан 2 адам қаза тауып, 5 адам жараланды.
Аурухана басшылары жарақат алған үш адамның жағдайы ауыр деп хабарлады.
