Лавров: Иран атом бомбасын жасауды қаламайды

Ресей Сыртқы істер министрі: "Иран атом бомбасын жасауды қаламайды",-деді.

Iran Press ақпарат агенттігінің хабарлауынша, Сергей Лавров сенбі күні БҰҰ Бас ассамблеясы аясында өткен баспасөз конференциясында Ислам революциясының жетекшісі аятолла Хаменеидің атом бомбасына тыйым салу туралы пәтуасына тоқталып: "Иран мұндай жоспары жоқ екенін бірнеше рет жариялады",-деді.  

Лавров: "Ислам революциясының жетекшісі осы тақырыпқа қатысты пәтуа шығарды. Олардың атом бомбасын жасағысы келмейтініне сенімді болғандықтан, Иранның көршілері де осы жолға түсуді мақсат тұтпайды",-деді.