Әзірбайжан Қарабақ аймағында тұратын армяндарға тең қатынас жасалатынын кепілдендіреді
Әзірбайжан Сыртқы істер министрі Джейхун Байрамов сенбі күні БҰҰ-да: "Қарабақ аймағында тұратын армяндарға тең қатынас жасалатынын кепілдендіреміз",-деді.
Iran Press ақпарат агенттігінің хабарлауынша, Джейхун Байрамов БҰҰ Бас ассамблеясына сөйлеген сөзінде: "Баку Қарабақ аймағында тұратын армяндарға Әзірбайжанның басқа азаматтарымен тең қатынас жасауға шешім қабылдап отыр",-деді.
Джейхун Байрамов: "Әзірбайжанның конституциясы, ұлттық заңдары мен біздің халықаралық міндеттемелеріміз мұны қамтамасыз етуге мықты негіз болады",-деді.
Әзірбайжан Сыртқы істер министрі өз сөзінің басқа бір бөлігінде: "Біз Баку мен Ереван үшін тату көршілестік қатынас орнатуға тарихи мұрсат берілді деп сенеміз",-деді.
19 қыркүйек Қарабақта әскери қайшылықтардың жаңа кезеңі басталды.
Қарабақта қайта қақтығыс басталғаннан бірнеше күн өткен соң Армения күштері ресейлік бітімгерлер тарапынан ұсынылған тағы бір бітімге келісті.
