Атом Қуаты Халықаралық агенттігі: Тарихтағы ең үлкен мұнай дағдарысы келе жатыр
ParsToday - Атом Қуаты Халықаралық агенттігі (АҚХА) басшысы Иранмен соғыстан туындаған мұнай мен газ жеткізудегі үзіліс 1973 және 1979 жылдардағы мұнай дағдарыстарынан да асып түсіп, тарихтағы ең үлкен энергиялық шокқа айналатынын ескертті.
ParsToday-дің ИРНА-ға сілтеме жасап хабарлауынша, АҚХА басшысы Фатих Бирол Ормоз бұғазының жабық күйінде қалуының әлемдік экономикаға, әсіресе Еуропаға кең ауқымды салдары туралы ескертті. Бирол Батыс Азиядан энергия жеткізудегі ауыр үзіліске тоқталып, АҚШ пен Израилдің Иранға қарсы соғысы басталғаннан бері 12 миллионнан астам баррель мұнай жеткізу айналымынан шығарылғанын атап өтті.
Энергия тарихындағы ең үлкен үзіліс
Бирол қазіргі мұнай мен сұйылтылған табиғи газ жеткізудегі үзіліс 1970-жылдардағы екі мұнай дағдарысынан және сондай-ақ 2022 жылғы Ресейдің газ экспортының төмендеуінен де ауыр екенін айтып, былай деп мәлімдеді: «Біз өте үлкен үзіліске қарай бет алып бара жатырмыз». Оның айтуынша, сұйылтылған табиғи газ жеткізудің төмендеуімен қатар, сәуір айындағы мұнай жеткізудің төмендеуі наурыз айынан екі есе болады, ол көптеген елдердің экономикалық өсімін тежейтін инфляциялық әсер етеді.
