Есфаһак – Табас қаласының шығысында 35 шақырым қашықтықта орналасқан тарихи ауыл. Есфаһакқа саяхат тарихқа жасалған сапармен тең. Бұл мекенге саяхат жасасаңыз, шөлді аймақ пен балшықтан салынған үйлерді көресіз.

Танге Бароқ – Фарс облысының Эқлид қаласының аумағындағы Бароқ ауылының манында орналасқан аңғар. Оның қабырғаларының биіктігі кейбір жерлерінде 300 метрге жетеді. Бароқ ауылы жер бетіндегі жәннат іспеттес. Бұл ауыл теңіз деңгейінен 1940 метр биіктікте орналасқан. Ауылдағы тас жазбаларына сәйкес оның тарихы Сасани билігі кезеңінен басталады.

"Нақше Ростам" тарихи ескерткіші "Тахте Джамшид" ескерткішінен алты шақырым қашықтықта Иранның Фарс облысы, Марвдашт ауданының солтүстігіндегі Занги Абад ауылында орналасқан. Бұл теңдессіз тарихи кешен Иранның үш көне тарихи кезеңін бейнелейді.

"Ала таулар" немесе түрлі түсті таулар Иранның Шығыс Әзірбайжан облысының орталығы Табриз қаласының солтүстік-шығысынан 25 шақырым жерде Ахар-Хадже аудандарының жолында орналасқан.

"Ширабад" сарқырамасы Иранның Гүлстан облысындағы Хан-Бабин қаласынан 6 км жердегі өте әдемі орманның ортасында орналасқан. Мұнда 7 сарқырама бар. Олардың жанынан бірнеше үңгірді көруге болады. Бұл орманның үңгірлері "Ақ дию" және "Самандар" деген атпен танымал. Ең биік сарқыраманың биіктігі – 25 метр.

Махан ханзаданың бағы – Қажар кезеңіне тиесілі Иранның тарихи бақтарының бірі. Бұл бақ Махан қаласынан шамамен екі километр жерде және Керман қаласына жақын жерде, Тигран тауларының етегінде орналасқан.

"Мазандаран төбесі" деген атаумен танымал Фильбанд ауылы Мазандаран облысы Бабол ауданына қарасты ауылдық округ саналады. Бұл таңғажайып ауылдың теңіз деңгейінен айтарлықтай биіктіктікте орналасқанына байланысты әдетте бұл ауылда қыс мезгіліндегі аяз бен қалың қар қалыпты жағдай саналады. Бұл осы ауылды дәл осылай атаудың себептерінің бірі болар. Жазда ауылдың ауа-райы өте жағымды әрі қолайлы болғандықтан мұнда көптеген саяхатшылар мен альпинистер келеді.

Лангарудтың "Фаджр" ойын-сауық саябағы Иранның Гилан облысының ең әдемі саябақтарының бірі саналады. Оның ортасында үлкен бассейн бар. Бұл саябақ "Киакелае" деп аталатын әсем тоғанның жанында орналасқан. Лангаруд – Лахиджан қаласына да, Каспий теңізі жағалауына да жақын қала.

«Кал дженни» немесе «жындар шатқалы» Табас қаласынан 35 шақырым қашықтықта орналасқан. Биік қабырғалардағы кескіндер мен суреттер бұл шатқалдың мыңдаған жылдар бұрын су тасқыны мен су басулардың әсерінен бұзылып, мүжілу нәтижесінде пайда болғанын көрсетеді.

Лурестанның әдемі табиғатының көрінісі