Теһрандағы Саадабад мұражай сарайы (2)

Саадабад тарихи кешенінде 18 сарай бар. Бұл кешендегі ең маңызды сарайлардың бірі «Мелләт» деп аталады, ол Саадабад кешеніндегі ең үлкен сарай болып табылады.   Кезінде «Ақ үй» атанған «Мелләт»  сарайының 7000 шаршы метрге жуық инфрақұрылымы бар, ол 1940 жылы пайдалануға берілген.

«Мелләт» сарайында құнды заттар мен құралдар сақталған. Бұл сарайдың әртүрлі залдары безендірілген қолмен тоқылған ең әдемі және бағалы кілемдермен безендірілген. Бұл сарайдың ең үлкен кілемі 145 шаршы метр және сарайдың асханасына жайылған.

Сарайдың үлкен салтанатты залдары соңғы екі ғасырдағы еуропалық сарайлар стилінде, әсіресе Францияның ақсүйектері  стилінде безендірілген. Шетелдік және ирандық басшылардың Пехлеви сарайына берген сыйлықтары сарайдың бір бөлігін құрайды.

«Мелләт» сарайының бір бөлігі «Халықтар өнері» мұражайына арналған. Бұл мұражай әртүрлі бөлімдерге бөлінген, соның ішінде; Исламға дейінгі өркениеттер, Ислам кезеңі, Қара Африка өнері, Үндістан, Қиыр Шығыс, Майя және қазіргі Иран және әлемдік өнер.

Саадабад топтамасының тағы бір бөлігі «Мир Эмад каллиграфия мұражайы» деп аталады. Оның бастапқы ғимараты соңғы Қаджар кезеңіне жатады, ол қайта жөндеуден кейін каллиграфия мұражайына айналды. Мұражай ғимараты екі қабаттан тұрады және дәстүрлі ирандық және еуропалық сәулет өнерінің үйлесімімен салынған. Бұл мұражайда көрнекті ирандық каллиграф Мир Эмадтың әдемі туындыларымен қатар каллиграфия тарихымен де танысып, ирандық каллиграфтардың ең әдемі туындыларын көруге болады.

Су мұражайы - кешеннің тағы бір керемет бөлігі. Мұражайдың ауданы шамамен 2670 шаршы метрді құрайды және негізгі ғимараты, кішірек бүйірлік ғимараты және ең соңында мұражайдың ашық кеңістігі сынды үш бөліктен тұрады. Су мұражайында су мен суаруға қатысты барлық нәрселерді жақыннан көріп, ирандықтардың осы саладағы жетістіктерімен танысуға болады.

Саадабад кешеніндегі тағы бір ескі ғимарат Ахмад Шахи павильоны деп аталады. Бұл павильон соңғы Қаджар дәуірінде салынған және Ахмад шах Қаджардың жазғы резиденциясы ретінде пайдаланылған. Ирандағы павильондар бақтардың ең маңызды сәулет элементі болып табылады және әдетте төрт жағынан көрінетін етіп салынған.