Иранның мұражайлары: Табриз Әзірбайжан мұражайы

Табриз қаласындағы Әзірбайжан мұражайы 1958 жылы ашылды. Оның 2400 метр ішкі құрылымы мен үш қабаты және бір залы бар. Бұл мұражай Ирандағы ең маңызды мұражайлардың бірі және Иранның Ұлттық мұражайынан кейінгі Ирандағы екінші археологиялық мұражай болып табылады. Бұл мұражайда исламға дейінгі және ислам дәуіріне жататын тарихи және көркем туындылар сақтаулы.

Әзірбайжан мұражайының бірінші қабатында зергерлік бұйымдардан бастап, әдемі ритондар мен жылан тасқа қашалған заттарға дейін тарихқа дейінгі және исламға дейінгі дәуірге қатысты тарихи туындылар мен заттар сақталған.

Бірінші қабаттың көрнекті жерлері - біздің эрамызға дейінгі I мыңжылдықтағы жерленген ерлер мен әйелдердің денелері. Бұл мәйіттер 2000 жылы Табриз қаласындағы «Көк мешіт» аймағында жүргізілген ғылыми қазба жұмыстары кезінде табылған.

Залдың соңында және солтүстік жағындағы қабырғада «Бісмилла тасы» орналасқан. Бұл тас Ирандағы ең сирек өнер туындыларының бірі болып саналады және бұл Мирза Санглахтың туындысы.

Мұражайдың бірінші қабатындағы ең көне туындылар хижраның төртінші ғасырына және Нейшабур қаласына қатысты. Нейшабур қаласынан алынған ыдыс-аяқтардың өзіндік ерекшеліктері бар және оларда исламдық тақырыптағы суреттер мен куфи жазуы бар ақ глазурь қолданылған. Бұл ескі шығармалардың Қаджар кезеңіне дейінгі тарихи барысы осы бөлімнен көрінеді.

Бұл қабатта монеталар мен мөрлерді тамашалауға арналған жаңа зал бөлінген, онда Иран тарихының Ахеменидтер дәуірінен Қаджарлар билігіне дейінгі әртүрлі кезеңдерінде соғылған ең көне тиындар қойылған.

Өткен мұражайдың төменгі қабаты ирандық мүсінші Ахад Хұсейни мырзаның құнды мүсіндерін көрсетуге және сақтауға арналған.

Бұл қабаттың тағы бір бөлігінде әртүрлі ислам дәуірлеріне жататын құлпытастар, тас мүсіндер, адам мүсіндері және жазулы тастардың үлгілері сақталған.