Opozita e Malit të Zi akuzohet për "përpjekje për grusht shteti"

Zyrtarët malazezë kanë akuzuar Partinë Demokratike të Socialistëve të opozitës, për nisjen e një grushti shteti gjatë protestave të dhunshme në fundjavë kundër ardhjes në fron të një drejtuesi të ri të Kishës Ortodokse Serbe, duke pretenduar se disa nga protestuesit ishin të armatosur.

Të dielën, dhuna shpërtheu në Cetinje, kryeqytetin e vjetër të Malit të Zi, pasi përkrahësit e opozitës dhe grupet e vetëshpallura patriotike u përleshën me policinë që përpiqej të ndalonte kurorëzimin e një Mitropoliti të ri të Kishës Ortodokse Serbe, Joanikije, në Cetinje. Zëvendëskryeministri Dritan Abazovic tha të dielën se ish-zyrtarë të qeverisë dhe policisë i nxitën protestat me qëllim destabilizimin dhe shkatërrimin e vendit. Ceremonia në Cetinje zemëroi kundërshtarët e Kishës Ortodokse Serbe, të cilët e quajtën atë një fyerje për luftën e Malit të Zi për sovranitetin dhe pavarësinë nga Serbia, me të cilën u bashkua nga fundi i Luftës së Parë Botërore deri në 2006. Ndërsa filluan protestat, Presidenti malazez Milo Djukanovic dhe deputetët e DPS erdhën në Cetinje për të treguar mbështetje. Ndërsa partitë në pushtet akuzuan Gjukanoviç dhe partinë e tij për një përpjekje për grusht shteti. Mali i Zi, i cili shpalli pavarësinë në 2006, është një shoqëri multi-etnike e ndarë midis atyre që e konsiderojnë veten malazezë, atyre që identifikohen si serbë dhe grupeve të ndryshme të tjera më të vogla.