Reshjet e dendura të shiut bllokojnë Shkodrën

Që në orët e para të mëngjesit, qyteti i Shkodrës është përfshirë nga shira të dendur. Reshjet kanë vazhduar pa ndërprerje deri në mesditë, duke e kthyer qytetin në peng të ujit.

Lartësia e ujit në disa vende arriti deri në 50 centimetër, duke bllokuar për disa çaste edhe pedonalen. Kalimi u mundësua nga mjetet rrethanore që krijuara në moment nga qytetarët të cilët kishin kohë që nuk kishin përjetuar një situatë të tillë.