8 të vdekur, 249 raste të reja me COVID në Kosovë

Tetë persona kanë humbur jetën nga COVID-19 në Kosovë gjatë 24 orëve të fundit, ndërsa janë konfirmuar 249 raste të reja me virusin.

Rastet e reja kanë dalë nga 2,804 që janë kryer, nga ku janë regjistruar edhe 1,129 të shëruar. Aktualisht në Kosovë janë 5,073 pozitivë me COVID. Ministria e Shëndetësisë në vend njoftoi se gjatë 24 orëve të fundit janë injektuar 1,209 doza të vaksinës kundër coronavirusit. Deri më tani, në Kosovë 812,931 persona kanë marrë dy doza të vaksinës anti-COVID.