Rusia reagon ndaj marrëveshjes për kandidaturën e Bosnjës për anëtarësim në BE

Rusia kritikoi Bashkimin Evropian për dhënien e statusit kandidat Bosnje-Hercegovinës dhe deklaroi se kjo është pjesë e përpjekjes së Perëndimit për të imponuar politikat e tij ndaj vendeve të Ballkanit Perëndimor.

Sipas IRNA-së, liderët e Bashkimit Evropian në takimin e javës së kaluar në Bruksel ranë dakord për t'i dhënë Bosnjës statusin e kandidatit dhe hapën rrugën për anëtarësimin e këtij vendi në Union. Reuters njoftoi se "Maria Zakharova", zëdhënësja e Ministrisë së Jashtme ruse, në reagim ndaj dhënies së kandidaturës  për Bosnjën, tha se në situatën aktuale të botës dhe linjës ekspansioniste të Perëndimit, është e qartë se ky vendim në thelb ka për qëllim kapjen e gjithë zonave gjeopolitike të rajonit. Zakharova më tej shtoi: Bashkimi Evropian i ka përdorur negociatat e anëtarësimit për të detyruar vendet e Ballkanit të miratojnë politikën e jashtme të Bashkimit  Evropian dhe të ndjekin vendimet e sanksioneve. Rusia gjithashtu paralajmëroi se çdo hap që Bosnja mund të ndërmarrë për t'u bashkuar me NATO-n do të konsideronte si një "akt armiqësor".  Pesë vende të Ballkanit Perëndimor; Shqipëria, Bosnja dhe Hercegovina, Mali i Zi, Maqedonia e Veriut dhe Serbia janë aktualisht në faza të ndryshme të procesit të anëtarësimit në Bashkimin Evropian. Me vendimin e fundit të autoriteteve evropiane, Bosnja dhe Hercegovina mori statusin zyrtar kandidat për anëtarësim në Bashkimin Evropian.  Ndërkohë, Komisioni Evropian ka identifikuar 14 çështje për reforma në Bosnje, në mënyrë që të fillojnë negociatat zyrtare për anëtarësimin e Bosnjës në Bashkimin Evropian. Bashkimi Evropian deklaroi se Bosnja duhet të bëjë përparim në fushat e demokracisë, funksionimin e institucioneve shtetërore, sundimin e ligjit, luftën kundër korrupsionit dhe krimit të organizuar, si dhe garantimin e lirisë së medias dhe menaxhimin e emigracionit. Sulmi i Rusisë ndaj Ukrainës dhe ndikimi i Rusisë në Ballkanin Perëndimor janë një nga arsyet më të rëndësishme të këmbënguljes së liderëve evropianë për të përshpejtuar anëtarësimin e vendeve të Evropës Lindore në Bashkimin Evropian. Synimi i Bashkimit Evropian është që kandidatët për anëtarësim të adoptojnë parimet e politikës së jashtme të BE-së, siç janë sanksionet kundër Rusisë. Megjithatë, Serbia ka lidhje më të ngushta me Rusinë sesa vendet e tjera të Ballkanit Perëndimor dhe deri më tani ka refuzuar tu bashkohet sanksioneve të BE-së kundër Rusisë.