FBI kontrolloi shtëpinë e dytë të Biden për dokumente të klasifikuara

Agjentët e Byrosë Federale të Hetimeve të SHBA-së (FBI) vazhduan kontrollin e vendeve që kanë lidhje me presidentin amerikan dhe gjithashtu kontrolluan një tjetër shtëpi të Joe Biden.

Këto kontrolle janë pjesë e hetimit për ruajtjen e pa-autorizuar të dokumenteve të klasifikuara. Sipas agjencisë Fars Neës, mediat amerikane shkruajnë se agjentët e FBI-së të mërkurën bastisën shtëpinë e dytë të presidentit amerikan Joe Biden në Rehoboth, Delaëare, si pjesë e një hetimi për ruajtjen e pa-autorizuar të dokumenteve të klasifikuara. Bob Bauer, avokati personal i Joe Biden, në një deklaratë tha se operacioni i kërkimit ishte planifikuar dhe kryer me "mbështetjen dhe bashkëpunimin e plotë" të Presidentit të Shteteve të Bashkuara dhe në nuk u gjetën dokumente të klasifikuara. Avokati i Biden tha se Departamenti Amerikan i Drejtësisë vendosi të kontrollonte shtëpinë tjetër të presidentit amerikan pa lëshuar një njoftim paraprak publik. Disa kohë më parë, mediat raportuan se disa dokumente konfidenciale që kanë të bëjnë me kohën kur Joe Biden punonte si zëvendëspresident i Shteteve të Bashkuara, u gjetën në shtëpinë e tij personale në Wilmington, të Delaware.  Ligji amerikan e konsideron të paligjshme grumbullimin ose mbajtjen e dokumenteve të klasifikuara me dashje dhe pa dashje, por deri më tani, asnjë president apo nënkryetar në Shtetet e Bashkuara nuk është akuzuar zyrtarisht për kryerjen e kësaj vepre, qoftë gjatë mandatit të tyre apo më vonë.