Në Zveçan protestuesit djegin një veturë të policisë

Situatë e tensionuar por e menaxhueshme nga ana e Policisë së Kosovës, vazhdon të mbetët në veri të vendit.

Burime të RTK-së konfirmojnë se në Zveçan, serbët lokalë, në shenjë pakënaqësie, kanë djegur një automjet në Policisë së Kosovës.

Situata e sigurisë u përshkallëzua pasi kryetarët e komunave neveri të vendit, Mitrovicë e Veriut, Zveçan, Leposaviq e Zubin Potok, të dalë nga zgjedhjet lokale të 23 prillit, shkuan sot në zyrat e tyre për të ushtruar mandatet e fituara.

Kjo ka revoltuar serbët lokalë të cilët nën diktatin e Beogradit zyrtar, janë mbledhur para ndërtesave duke protestuar.

Ndërkohë, rrugës nga Mitrovica e Veriut deri në Leposaviq, shihen forca të shtuara të Policisë së Kosovës dhe trupave të KFOR-it. Këta të fundit janë duke vëzhguar edhe nga ajri.

Turma gjendet akoma para objektit të komunës së Zveçanit, ndërsa aty janë edhe trupa të Policisë së Kosovës.

Një qytetar serb në Zveçan u ka kërkuar llogari disa policëve, duke u thënë se nuk kanë të drejtë të jenë aty.

Në pamjet e marra nga Televizioni  7, qytetari kërkon që të mos i shoh aty Policinë, ndërkaq bashkëqytetarë të tij shihet se e tërheqin, duke i kërkuar të ndalojë.

RTK