Zëdhënësja e OBSH-së: Nuk ka vend të sigurt në Gaza
“Margaret Harris”, zëdhënësja e Organizatës Botërore të Shëndetësisë, paralajmëroi të mërkurën se nuk ka vend të sigurt në Rripin e Gazës për të strehuar popullin palestinez.
Sipas IRNA, Haris, e cila po fliste për kanalin "Al Jazeera", gjithashtu shprehu habinë që regjimi sionist synon qendrat shëndetësore dhe tha: Ne ende nuk e dimë pse [Izraeli] po bombardon spitalet dhe ambulancat. Pas paralajmërimit të organizatave ndërkombëtare, edhe Amnesty International e quajti “krim lufte” sulmin e regjimit sionist në kampin Rafah dhe martirizimin dhe plagosjen e dhjetëra palestinezëve në këtë sulm. Sipas IRNA, në deklaratën e kësaj organizate, e cila është publikuar në rrjetin social “X”, thuhet: Sulmet e tmerrshme ajrore ndaj civilëve në Rafah ishin ndër sulmet e fundit nga forcat izraelite në Rripin e Gazës dhe këto sulme janë një shkelje e qartë e ligjit ndërkombëtar. Në këtë deklaratë theksohej: këto sulme të verbëra, të cilat vrasin dhe plagosin civilë, janë krim lufte që duhet të hetohen. Të martën, Agjencia Palestineze e Lajmeve Al-Aqsa publikoi pamjet e tmerrshme të krimit të ri të kryer nga sionistët në kampin e refugjatëve palestinezë "Al-Mavasi" në perëndim të qytetit Rafah. Të paktën 45 palestinezë janë martirizuar si pasojë e sulmit ajror dhe artilerik të regjimit sionist.
