Hamasi: Tel Avivi në ngërç strategjik

Një zyrtar i lartë i Hamasit tha se rezistenca palestineze shkaktoi shpërbërjen e kabinetit të luftës të regjimit izraelit pas tetë muajsh luftë në Rripin e Gazës.

Izzat al-Rishk, një anëtar i byrosë politike të Hamasit, tha të martën se rezistenca në Rripin e Gazës shpërbëu me sukses kabinetin e luftës të Izraelit, i cili u formua tetë muaj më parë për të shtypur lëvizjen e rezistencës.

Kryeministri izraelit Benjamin Netanyahu të hënën shpërndau kabinetin gjashtë anëtarësh të luftës, pas tërheqjes së rivalit të tij kryesor, Benny Gantz.

Ahmad Abdul Hadi, përfaqësues i Hamasit në Liban, tha gjithashtu se regjimi izraelit është duke u përballur me një krizë të rëndë dhe tani ndodhet në një ngërç strategjik për shkak të rezistencës së palëkundur të palestinezëve dhe Boshtit të Rezistencës.

Shpërbërja e kabinetit izraelit të luftës tregon se regjimi sionist po përballet me kolaps pas operacionit Stuhia al-Aksa, si rezultat i qëndrueshmërisë së rezistencës, tha Abdul Hadi.

Lidhur me bisedimet për armëpushim në Gaza, ai theksoi se Hamasi ka paraqitur përgjigjen e tij për ofertën e armëpushimit. Ai gjithashtu deklaroi se për të arritur paqen, qeveria amerikane duhet të ushtrojë presion mbi regjimin izraelit.