Qershor 19, 2024 09:10 Europe/Tirane
  • Putin viziton Phenianin

Presidenti rus Vladimir Putin mbërriti në Phenian për një vizitë zyrtare dyditore dhe u prit ngrohtësisht nga udhëheqësi i Koresë së Veriut, Kim Jong Un.

Ceremonia kryesore e udhëtimit të Putinit në Korenë e Veriut do të mbahet sot e mërkurë më 19 qershor. Sot janë planifikuar negociata në formate të ndryshme si dhe takime zyrtare dhe jozyrtare mes presidentit rus dhe liderit të Koresë së Veriut. Presidenti rus në këtë udhëtim shoqërohet nga ministri i Jashtëm rus Sergej Lavrov, ministri i Mbrojtjes Andrey Belusov dhe zëvendëskryeministri i parë Denis Manturov. Gjithashtu, në delegacionin që shoqëron Putinin në këtë udhëtim, janë të pranishëm edhe përfaqësues të kompanive të mëdha vendase, përfshirë Yury Borisov kreun e agjencisë shtetërore hapësinore "Roscosmos" dhe Oleg Beluzerov, kreu i Kompanisë së Hekurudhave Ruse. Sipas agjencisë së lajmeve Ryanneës, hera e fundit që Putin e vizitoi Korenë e Veriut ishte në vitin 2000, kur lideri i saj ishte Kim Jong Il, babai i liderit aktual të Koresë së Veriut.

Tags