Egjipti hedh poshtë ofertën e sionistëve për të qeverisur Gazën

Kajroja hodhi poshtë planin e propozuar nga autoritetet sioniste për menaxhimin e Gazës nga ana e qeverisë egjiptiane.

Sipas agjencisë iraniane të lajmeve IRNA, ky qëndrim i Ministrisë së Jashtme të Egjiptit është bërë në përgjigje të propozimit të bërë nga Yair Lapid, lideri i lëvizjes opozitare të regjimit sionist, i cili pak kohë më parë deklaroi: “Bota ka nevojë për një zgjidhje të re për Gazën dhe Izraeli nuk mund të pranojë që Hamasi të mbetet në pushtet.”

Lapid tha në Institutin për Mbrojtjen e Demokracive në Uashington: “E vetmja zgjidhje është që Egjipti të pranojë përgjegjësinë për administrimin e Rripit të Gazës për 8 vjet, me opsionin e zgjatjes së tij në 15 vjet.”

Lapid shtoi: “Në këmbim të pranimit të këtij propozimi, ekziston mundësia që borxhet e jashtme të Egjiptit të paguhen nga bashkësia ndërkombëtare dhe aleatët rajonalë dhe ky vend mund të organizojë mundësitë e vendeve arabe të Gjirit Persik dhe komunitetit ndërkombëtar për të menaxhuar dhe rindërtuar Rripin e Gazës.”