Zelensky mbërrin në Arabinë Saudite

Presidenti ukrainas Volodymyr Zelensky ka mbërritur në qytetin Jeddah në Arabinë Saudite.

Mbretëria saudite do të presë bisedimet mes SHBA-së dhe Ukrainës nesër, megjithëse Zelensky nuk pritet të marrë pjesë. Ai udhëtoi drejt Arabisë Saudite për të takuar princin e kurorës Mohammed bin Salman.

Bisedimet do të zhvillohen midis ekipit të presidentit ukrainas dhe zyrtarëve amerikanë për përfundimin e luftës me Rusinë në një moment gjithnjë e më të pasigurt për Kievin.

Dikur aleati kryesor i Ukrainës, nën administratën e dytë të Donald Trump, SHBA ka riorientuar politikën e saj të jashtme dhe mbështetjen për vendin.

Princi i kurorës i Arabisë Saudite ka luajtur role të ndryshme ndërmjetësuese që nga sulmi i Rusisë kundër Ukrainës në shkurt të vitit 2022, duke përfshirë ndërmjetësimin e shkëmbimeve të të burgosurve dhe pritjen e bisedimeve midis Rusisë dhe SHBA-së muajin e kaluar.

Bisedimet do të zhvillohen të martën dhe do të jenë të parat midis dy vendeve që nga mosmarrëveshja e Zyrës Ovale midis Zelensky dhe Trump.