Mbreti jordanez thekson rindërtimin e Rripit të Gazës pa zhvendosur palestinezët

Mbreti Abdullah II i Jordanisë, në një takim me presidentin italian në Romë, theksoi nevojën për të arritur një marrëveshje për një armëpushim gjithëpërfshirës në Gaza dhe për të mbështetur rindërtimin e rajonit pa zhvendosur banorët e tij.

Sipas IRNA, duke cituar Al-Shorouk, sipas një deklarate nga Oborri Mbretëror i Jordanisë, Mbreti Abdullah II u takua me presidentin italian Sergio Mattarella në Romë me të cilin diskutoi marrëdhëniet midis dy vendeve dhe zhvillimet rajonale. Gjatë takimit, Mbreti i Jordanisë dhe Presidenti i Italisë theksuan rëndësinë e forcimit të marrëdhënieve dypalëshe me qëllim zgjerimin e bashkëpunimit në fusha të ndryshme. Duke iu referuar zhvillimeve në rajon, Abdullah II theksoi nevojën për arritjen e një marrëveshjeje gjithëpërfshirëse armëpushimi dhe ruajtjen e armëpushimit aktual në Rripin e Gazës, mbështetjen e rindërtimit të zonës pa zhvendosur banorët e saj, si dhe rifillimin e dërgimit të ndihmave humanitare. Mbreti i Jordanisë rolin e Italisë në ofrimin e ndihmave humanitare për Rripin e Gazës dhe pjesëmarrjen e saj në transportin ajror për dërgimin e ndihmave në rajon, e konsideroi të një rëndësie të madhe. Ndërkohë Komiteti i Pavarur i të Drejtave të Njeriut në Gaza, duke vënë në dukje se përkeqësimi i situatës në rajon ka shkuar përtej një krize njerëzore, theksoi se situata aktuale në Rripin e Gazës është gjenocid.  Komiteti shtoi: Mbyllja e vazhdueshme e kalimeve kufitare në Rripin e Gazës, është një njollë turpi për komunitetin ndërkombëtar, i cili ka qëndruar i heshtur përballë kësaj situate. Komiteti i Pavarur i të Drejtave të Njeriut në Gaza duke kërkuar formimin e një komiteti të pavarur ndërkombëtar për të monitoruar pikë-kalimet kufitare, i bëri thirrje komunitetit ndërkombëtar që të ndërmarrë veprime të menjëhershme për t'i dhënë fund bllokadës së Rripit të Gazës dhe të lejojë hyrjen e ndihmave humanitare në rajon.