Irani: Nuk është koha e duhur për të negociuar me SHBA-në

ParsToday - Ministri i Jashtëm i Republikës Islamike të Iranit deklaroi: "Tani nuk është koha e duhur për të negociuar me Shtetet e Bashkuara të Amerikës".

Sipas ParsToday, Sejed Abbas Araghchi, ministri i Jashtëm i Republikës Islamike të Iranit, të mërkurën në përgjigje të një pyetjeje në lidhje me gjendjen e negociatave midis Republikës Islamike të Iranit dhe Shteteve të Bashkuara të Amerikës, tha: "Tani nuk është koha e duhur për të negociuar, dhe kjo situatë është krijuar për shkak të politikave të Shteteve të Bashkuara të Amerikës".

Araghchi shtoi: "Republika Islamike e Iranit nuk është larguar kurrë nga tryeza e negociatave. Ne gjithmonë kemi qenë të gatshëm për negociata bazuar në interesa dhe respekt të ndërsjellë, por qeveria amerikane nuk ka një qasje të tillë për momentin". Ministri i Jashtëm iranian, ndërsa theksoi përpjekjet për të hequr sanksionet mizore të Perëndimit, veçanërisht të SHBA-së ndaj Iranit, shtoi: "Ne po bëjmë përpjekje të mëdha për të zhvilluar marrëdhënie tregtare dhe bashkëpunim ekonomik me vendet fqinje, veçanërisht në rajonin tonë".

Ministri i Jashtëm i Republikës Islamike të Iranit gjithashtu në lidhje me qëllimet e vizitës së tij të ardhshme në Liban, tha: "Ne po kërkojmë të zgjerojmë marrëdhëniet me Libanin. Ky motivim ekziston si nga ana jonë ashtu edhe nga ana libaneze".