Sekretari i Përgjithshëm i Federatës Botërore të Tekuandos falënderon Iranin

[TEHERAN], 2 Maj 2026, ParsToday – Sekretari i Përgjithshëm i Federatës Botërore të Tekuandos (World Taekwondo), përmes një letre dërguar federatës iraniane, ka vlerësuar pjesëmarrjen e ekipit të të rinjve të Iranit në kampionatin botëror dhe performancën e tyre të shkëlqyer.

Sipas raportit të ParsToday, Jeong Kang-seo, Sekretari i Përgjithshëm i Federatës Botërore të Tekuandos, përmes një letre drejtuar Federatës së Tekuandos së Iranit, ka shprehur falënderimet dhe vlerësimin e tij për pjesëmarrjen dhe rezultatet e larta të përfaqësuesve iranianë, të cilët u shpallën nënkampionë në garat botërore për të rinj në Tashkent.

Sekretari i Përgjithshëm i Federatës Botërore në këtë letër deklaroi: "Dëshiroj të përgëzoj ekipin e të rinjve të Iranit për arritjet e tyre të jashtëzakonshme, veçanërisht për praninë në Tashkent me gjithë sfidat ekzistuese dhe udhëtimin drejt Uzbekistanit për të marrë pjesë në këto gara. Performanca e ekipit të Iranit tregon pasionin dhe përkushtimin ndaj tekuandos."

Edicioni i 15-të i Kampionatit Botëror të Tekuandos për të Rinj u zhvillua në Tashkent të Uzbekistanit, me pjesëmarrjen e sportistëve nga 115 vende të botës, ku ekipi i Iranit arriti të fitojë titullin e nënkampionit të botës.

Kërkoni video, na ndiqni: https://t.me/ParsTodayshqip