Irani është 85% i vetëmjaftueshëm në garantimin e sigurisë ushqimore

ParsToday - Ministri i Bujqësisë i Republikës Islamike të Iranit deklaroi se Irani është 85 përqind i vetëmjaftueshëm në garantimin e sigurisë ushqimore.

Sipas ParsToday, të shtunën në mbrëmje, në një emision special në Televizionin e Republikës Islamike të Iranit, Gholamreza Nouri Ghezaljeh, Ministri i Bujqësisë, shpjegoi masat e qeverisë në fushën e sigurisë ushqimore gjatë Luftës 12-ditore dhe luftës së tretë të imponuar nga Shtetet e Bashkuara të Amerikës dhe regjimi sionist kundër Iranit. Ai njoftoi ruajtjen e plotë të rezervave strategjike të vendit gjatë luftës, zhdoganimin e gati 7 milion ton mallrave nga portet dhe arritjen e 85% vetëmjaftueshmërisë në sigurinë ushqimore. Ai tha: "Qëllimi i Planit të Shtatë është që kjo sasi të rritet në më shumë se 90%".

Nouri shtoi: "Prodhimi bujqësor i Iranit është rritur nga 28 milionë ton në vitet para Revolucionit Islamik në 139 milionë ton, prodhimi i grurit është rritur nga 4 milionë ton në rreth 14 deri në 16 milionë ton, prodhimi i qumështit të papërpunuar nga 2.6 milionë ton në 13 milionë ton dhe prodhimi i mishit të pulës nga 65,000 ton në rreth 3 milionë ton.

Ministri i Bujqësisë së Republikës Islamike të Iranit vuri në dukje: "Qasja jonë ka ndryshuar nga "kultivimi jashtëterritorial" në "bujqësi jashtëterritoriale". Për herë të parë, produktet e prodhuara në formën e bujqësisë jashtëterritoriale kanë hyrë zyrtarisht në Iran. Rreth 100,000 ton produkte, përfshirë elbin dhe vajra bruto, hynë në vend nga fermat iraniane në Kazakistan".

Ai deklaroi: "Aktualisht, bashkëpunimi operacional ka filluar me vende të tilla si Kazakistani, Rusia dhe Pakistani, dhe negociatat janë duke u zhvilluar gjithashtu me disa vende afrikane, përfshirë Kenian dhe Tanzaninë".

Kërkoni video, na ndiqni: https://t.me/ParsTodayshqip