Pezeshkian: Llogaritjet e armiqve, të bazuara në inteligjencën artificiale, u përmbysën

Pars Today – Presidenti i Iranit, duke theksuar qëndrueshmërinë përballë sanksioneve dhe sabotimeve të armikut, deklaroi: “Megjithëse armiqtë i kanë mbyllur të gjitha rrugët, me ndihmën e Zotit do të hapim rrugë të reja dhe do të gjejmë një mënyrë për t’i shërbyer popullit të Iranit.”

Sipas Pars Today, duke cituar Agjencinë e Lajmeve të Radio-Televizionit të Republikës Islamike të Iranit (IRIB); Masoud Pezeshkian, Presidenti i Iranit, në Konferencën e 11-të Ndërkombëtare të Luftëtarëve në Mërgim, duke theksuar largpamësinë dhe maturinë e jashtëzakonshme të Liderit të ndjerë të Revolucionit në drejtimin e vendit, deklaroi: “Stabiliteti dhe siguria e Iranit sot i detyrohen udhëzimeve të atij lideri të lartë të ndjerë. Pavarësisht të gjitha presioneve dhe kufizimeve që kanë krijuar armiqtë, mendimi, rruga dhe udhëzimet e tij kanë qenë gjithmonë drita që na ka udhëhequr.”

Pezeshkiani, duke iu referuar strategjive të mençura të Liderit të ndjerë të Revolucionit, shtoi: “Ai, me një qasje transformuese, i shndërronte kërcënimet në mundësi dhe na nxirrte nga krizat e krijuara nga armiku. Armiqtë mendonin se, përmes krijimit të pasigurisë dhe presionit, mund ta çonin vendin drejt urisë, plaçkitjes dhe shpërbërjes sociale; por llogaritjet e tyre, të bazuara në të dhënat e inteligjencës artificiale, rrjetet e spiunazhit, elementët e paguar dhe përfaqësuesit e tyre të brendshëm, u përmbysën njëra pas tjetrës. Siç kishte thënë Lideri i ndjerë, populli u ngrit në këmbë dhe u mobilizua, doli në skenë dhe krijoi një barrierë të fuqishme përballë komplotëve.”

Presidenti i Iranit, duke kujtuar ceremoninë madhështore të lamtumirës me Liderin e ndjerë, theksoi: “Atë ditë deklarova se nuk po i jepja lamtumirën atij, sepse rruga e tij do të vazhdojë gjithmonë dhe ne duhet ta përshkojmë këtë rrugë me unitet, fuqi, kohezion dhe koordinim. Qëndresa përballë armiqve nuk është e mundur veçse përmes solidaritetit dhe ata kurrë nuk e besonin se kombi ynë do të mund të mbronte me qëndresë vlerat dhe ekzistencën e tij përballë tyre.”

Pezeshkiani e konsideroi të pashembullt praninë e plotë të popullit iranian në frontet e ndryshme të luftës 12-ditore dhe të Ramazanit dhe theksoi: “Populli iranian prej më shumë se 160 ditësh është i pranishëm pa kërkuar asgjë në këmbim dhe me përkushtim të plotë në mbrojtje të atdheut. Kjo mbështetje e rrënjosur thellë është një kapital i jashtëzakonshëm që nuk do të lejojë kurrë të përkulemi para armiqve apo të pranojmë humbjen.”

Ai, duke theksuar qëndrueshmërinë përballë sanksioneve dhe sabotimeve të armikut, deklaroi: “Megjithëse armiqtë i kanë mbyllur të gjitha rrugët, me ndihmën e Zotit do të hapim rrugë të reja dhe do të gjejmë një mënyrë për t’i shërbyer Iranit.”

(Kërkoni video, na ndiqni: https://t.me/ParsTodayshqip)