Velajati: Pjesëmarrja masive e popullit në zgjedhje, neutralizoi komplotet e armiqve

Drejtori i Qendrës së studimeve strategjike të Asamblesë për Mbrojtjen e Interesave të Sistemit të RII, deklaroi se pjesëmarrja masive e popullit iranian në zgjedhje bëhet shkak për neutralizimin e komploteve të shumta të armiqve kundër Iranit.

Ali Akbar Velajati, drejtori i Qendrës së studimeve strategjike të Asamblesë për Mbrojtjen e Interesave të Sistemit të RII, pasi votoi në zgjedhjet e 12-ta presidenciale dhe në zgjedhjet e 5-ta lokale, duke folur para gazetarëve deklaroi se fituesi kryesor i këtyre zgjedhjeve është populli iranian dhe shtoi: “Sistemi i demokracisë fetare në Republikën Islamike të Iranit, në saje të përkrahjes së gjithanshme të popullit, po i realizon të gjitha objektivat e tij”. Velajati tha se pjesëmarrja entuziaste e popullit iranian në zgjedhje është dëshmia më e qartë e bazës së fuqishme popullore të sistemit të Republikës Islamike të Iranit dhe ky unitet i fuqishëm ka qenë faktori kryesor i dështmit të komploteve të armiqve të RII gjatë 38 viteve të fundit.