Kasemi: Dhuna dhe ekstremizmi duhet dënuar në çdo vend
Zëdhënësi i MPJI duke reaguar ndaj dhunës së fundit në Londër, ka thënë: Dhuna dhe ekstremizmi kudo qoftë dhe me çfarëdo qëllimi dhe mënyre që kryhet nga cilido grup qoftë, duhet dënuar.
Behram Kasemi të martën duke reaguar ndaj dhunës së fundit në qytetin Londër ku një person me një furgon goditi për vdekje një person dhe disa të tjerë plagosi të cilët ishin duke dalë nga një xhami pas namazit, përveç se ka dënuar këtë akt, ai është solidarizuar me familjet e viktimave. Autoritetet bëjnë të ditur se ngjarja ka ndodhur pas mesnatës, ku një furgon hipi mbi trotuar dhe goditi një grup njerëzish pranë xhamisë në parkun Finsbury. Në lidhje me ngjarjen policia e Londrës arresto një 48 vjeçar, ndërsa në vendin e ngjarjes kanë shkuar edhe skuadrat e antiterrorizmit.
