Parlamenti iranian miraton planin kundër veprimeve terroriste të Amerikës
Deputetët e parlamentit iranian, në seancën e sotme kanë analizuar planin e përballjes me veprimet destruktive dhe terroriste të Amerikës në rajon.
Deputetët e parlamentit iranian me shumicë votash miratuan planin për përballjen me veprimet destruktive dhe terroriste të Amerikës. Ky plan është i ndarë në 9 pjesë dhe ka 27 pika që përcaktojnë dispozitat e komisionit të sigurisë kombëtare dhe politikën e jashtme të Republikës Islamike të Iranit. Plani përfshin përballjen me veprimet destruktive të Amerikës, mbështetjen e Amerikës ndaj terrorizmit, shkeljen e të drejtave të njeriut, përballjen me sanksionet ekonomike amerikane, marrjen e masave reciproke dhe mbështetjen e shtetasve iranianë. Senati amerikan më 15 korrik në kuadër të veprimeve armiqësore kundër Teheranit, miratoi sanksione të reja në emër të ligjit “ të përballjes me veprimet destruktive të iranit-2017”.