Garda Revolucionare premton hakmarrje të fuqishme kundër terroristëve

Trupat e Gardës Revolucionare të Iranit thonë se terroristët që qëndrojnë pas sulmit të përgjakshëm në qytetin jugperëndimor Ahvaz do të përballen patjetër me hakmarrje "vdekjeprurëse dhe të paharrueshme" në një të ardhme të afërt.

Në një deklaratë të dielën, Garda Revolucionare e Iranit shprehu ngushëllime dhe solidaritet me familjet e viktimave të sulmit terrorist në paradën ushtarake në Ahvaz të shtunën, që vrau të paktën 25 persona dhe plagosi mbi 60 të tjerë. Garda Revolucionare e Iranit shtoi se krimi terrorist i kryer në Ahvaz nga banditë të pamëshirshëm të regjimeve arrogante dhe reaksionare globale në rajon zbuloi se armiqtë e betuar të Iranit nuk kursejnë asnjë përpjekje dhe konspiracion për të krijuar pasiguri në vend pas dështimit të tyre për të arritur qëllimet e tyre ogurzi. Ata janë madje të gatshëm për të qëlluar njerëz të pafajshëm, duke përfshirë gra dhe fëmijë, me "masa të verbra terroriste", thuhet në deklaratën e Gardës Revolucionare të Iranit. Në këtë deklaratë thuhet se krimet e tilla nuk do të dobësojnë vendosmërinë e fortë të sistemit islamik dhe të popullit iranian, të cilët mbeten të përkushtuar ndaj idealeve sublime të Revolucionit Islamik. Garda Revolucionare e Iranit thotë se nuk do të kursejë asnjë përpjekje për të ndjekur autorët e akteve terroriste në rajon dhe më gjerë dhe t'i sjellë ata para drejtësisë.