Irani është gati të ndihmojë qeverinë e re të Libanit

Ministri i Jashtëm iranian Muhamed Xhavad Zarif deklaroi se Teherani është gati të bashkëpunojë me qeverinë e re libaneze në të gjithë sektorët.

"Nëse qeveria libaneze e kërkon, Irani është gati të bashkëpunojë me këtë vend në të gjitha fushat," u tha Zarif gazetarëve në kryeqytetin libanez, Bejrut, të dielën, pak pas mbërritjes së tij për një vizitë zyrtare dy-ditore. Zarif përgëzoi libanezët për formimin e një qeverie të re të unitetit kombëtar dhe tha se ai ishte atje për të shprehur solidaritetin e Iranit me Libanin. Diplomati më i lartë iranian theksoi se Libani është simbol i rezistencës në Lindjen e Mesme. Zarif është planifikuar të zhvillojë bisedime të hënën me presidentin libanez Michel Aoun, kryetarin e parlamentit Nabih Berri, Kryeministrin Saad Hariri dhe Ministrin e Jashtëm Gebran Bassil. Vizita e ministrit të Jashtëm iranian në Bejrut vjen disa javë pasi presidenca e Libanit njoftoi formimin e qeverisë së re të unitetit kombëtar, duke i dhënë fund një vakumi nëntë mujor në skenën politike libaneze, e cila rriti problemet ekonomike të vendit.