Dënohet shpallja e planit sionisto-amerikan Akordi i Shekullit

Shumë shtete dhe figura politike të martën dënuan zbulimin e planit sionist-amerikan të "Marrëveshjes së Shekullit".

Presidenti amerikan Donald Trump ka përsëritur vendimin e tij jashtëzakonisht të diskutueshëm për Jerusalemin e okupuar si "kryeqyteti i pandarë i Izraelit", pasi ai publikoi planin e administratës së tij për konfliktin palestinezo-izraelit, të cilin palestinezët tashmë e kanë hedhur poshtë. Duke kundërshtuar zemërimin ndërkombëtar, Trump të martën njoftoi dispozitat e përgjithshme të planit që ai e ka quajtur "marrëveshje të shekullit" në Shtëpinë e Bardhë me Kryeministrin izraelit Beniamin Netanyahu në krah të tij. Sami Abu al-Zahri, anëtar i lartë i Lëvizjes Palestineze të Rezistencës Islamike (Hamas), të martën, hodhi poshtë deklaratën e presidentit amerikan Donald Trump për të ashtuquajturin "Akordi i Shekullit" dhe pasi e cilësoi atë si të pavlefshme, deklaroi: Kodsi do të mbetet territor i pandarë i palestinezëve. Sejed Ammar Hakim, drejtuesi i Lëvizjes Kombëtare të Urtësisë së Irakut, pas njoftimit të "Marrëveshjes së Shekullit" në Shtëpinë e Bardhë, theksoi se plani është një komplot i rrezikshëm kundër paqes dhe stabilitetit botëror. Në një cicërimë në Twitter, Hakim i kërkoi Këshillit të Sigurimit, organizatave ndërkombëtare, Organizatës së Bashkëpunimit Islamik dhe Ligës Arabe që të merrnin një qëndrim historik për të dënuar marrëveshjen e shekullit. Hassan Karim al-Kaabi nënkryetari i parlamentit të Irakut gjithashtu shprehu keqardhje për praninë e ambasadorëve të Emirateve të Bashkuara Arabe, Omanit dhe Bahrejnit në njoftimin dhe zbulimin e marrëveshjes izraelito-amerikane Akordi i Shekullit në Shtëpinë e Bardhë dhe  u bëri thirrje të gjithë liderëve arabë dhe myslimanë, Ligës Arabe dhe Organizatës së Bashkëpunimit Islamik të marrin një qëndrim me një qasje të fortë dhe të integruar kundër këtij plani. Muqtada al-Sadr, udhëheqësi më i lartë i Irakut në përgjigje të marrëveshjes së Donald Trump dhe pasi dënoi zbulimin e planit " Akordi i Shekullit " nga presidenti amerikan, theksoi se Kodsi i shenjtë i përket të gjitha feve hyjnore dhe palestinezëve dhe është toka e liridashësve. Ministri i jashtëm i Jordanisë të martën në mbrëmje iu përgjigj planit të paqes të presidentit amerikan Donald Trump të quajtur Akordi i Shekullit dhe tha:  Amani bën thirrje për paqe të mirëfilltë dhe të drejtë bazuar në rezolutat ndërkombëtare, përfshirë përfundimin e okupimit dhe mbrojtjen e të drejtave të popullit palestinez. Zëdhënësi i lëvizjes Ansarullah të Jemenit, Muhamed Abdul Salam në përgjigje të propozimit të Trump " Akordi i Shekullit " e përshkroi këtë veprim si një agresion të ashpër ndaj Palestinës dhe Umetit Islam. "Marrëveshja Trump është një agresion i ashpër kundër Palestinës dhe Umetit Islamik, i cili është financuar nga Arabia Saudite dhe Emiratet e Bashkuara Arabe për të rritur pushtimin izraelit dhe për të zhdukur çështjen Palestineze," shkroi zëdhënësi i Ansarullah në Twitter.