OKB: Vrasja e Gjeneral Soleimanit nga SHBA shkeli normat ndërkombëtare

Një raportuese speciale e Kombeve të Bashkuara tha se vrasja e komandantit më të lartë të anti-terrorit të Iranit, Gjeneral Lejtnant Kasem Soleimanit nga SHBA ishte në kundërshtim me normat ndërkombëtare dhe me statutin e OKB.

Agnes Callamard, raportuese e posaçme e OKB për vendimet jashtëgjyqësore dhe ekzekutimet arbitrare, i bëri komentet të martën në një konferencë në Gjenevë, duke thënë: "Vrasja e Gjeneral Soleimanit ka shkelur shumë norma ndërkombëtare që janë në zemër të sistemit të OKB dhe në zemër të statutit të OKB ". "Karta e OKB ishte parashikuar në nocionin se ne duhet të bëjmë gjithçka mund për të parandaluar konfliktin e armatosur dhe se përdorimi i forcës duhet të ngushtohet shumë në skenarë të ndryshëm", tha Callamard. "Vrasja e targetuar e z. Soleimani shkatërroi plotësisht standardin që lidhej me përdorimin jashtëterritorial të forcës nga një shtet. Ky sulm synoi një zyrtar shtetëror, ndërsa në të kaluarën ishin vetëm aktorë jo-shtetërorë që kishin qenë në shënjestër, "shtoi ajo. Raportuesja speciale e Kombeve të Bashkuara theksoi se vrasja e komandantit të lartë iranian krijoi një precedent të rrezikshëm që mund të "ishte një recetë për katastrofë". Justifikimi i Trumpit për këtë akt kriminal ishte se Komandant Soleimani kishte ardhur në Irak për të planifikuar sulme ndaj amerikanëve dhe bazave të tyre, dhe se sulmi ajror i SHBA-së ishte gjithashtu një veprim parandalues. Zyrtarë të lartë irakianë kanë mohuar pretendimin e Trump. Kryeministri i i Irakut Adel Abdul Mahdi në një takim parlamentar të 5 janarit njoftoi se dëshmori Soleimani kishte mbërritur në Bagdad për të përcjellë mesazhin e Iranit për Arabinë Saudite. Ai këmbënguli se Gjeneral Soleimani mbante përgjigjen e Iranit për mesazhin e Arabisë Saudite, të cilën Bagdadi ia kishte dhënë më parë Teheranit. Sekretari i Mbrojtjes i SHBA Mark Sperer, më 12 Janar, hodhi poshtë pretendimin e Trump mbi planet e ardhshme të Gjeneral Soleimanit për të sulmuar ambasadat amerikane dhe tha se ai nuk kishte parë prova të qarta që Irani kishte planifikuar ndonjë sulm ndaj katër ambasadave amerikane. Kështu që, pretendimi i Uashingtonit është krejtësisht i rremë. Realiteti është se nga këndvështrimi i këshilltarëve ushtarakë dhe të sigurisë së Trump, prania e njëkohshme e Gjeneral Soleimanit dhe Abu Mahdi al-Mohandes në Bagdad si dy komandantët kryesorë iranianë dhe irakianë që luajtën një rol kryesor në luftën kundër ISIS, dhe në të njëjtën kohë, që ishin një pengesë serioze për të arritur qëllimet e Amerikës në Azinë Perëndimore, u konsiderua si një mundësi që nuk duhet të humbet, kështu që amerikanët kryen një krim të madh duke i sulmuar brutalisht ata. Tani, me qëndrimin e qartë të Raportueses Speciale të OKB se akti kriminal i SHBA është i paligjshëm, nuk ka dyshim se Trump dhe administrata e tij janë shkelësit kryesorë të ligjit ndërkombëtar dhe në ndjekjen e politikave arrogante të SHBA nuk kanë aspak respekt për këto ligje dhe norma.