42.57% e qytetarëve iranianë morën pjesë në zgjedhjet parlamentare

Ministri i brendshëm i Iranit ka deklaruar se niveli i pjesëmarrjes së qytetarëve në zgjedhjet parlamentare të së premtes ka qenë 42.57%.

Agjencia e lajmeve IRNA njoftoi se Abdurreza Rrahmani Fazli, ministri i brendshëm i Iranit, sot në një konferencë për shtyp, deklaroi se 24.512.404 qytetarë iranianë kanë marrë pjesë në zgjedhjet për legjislaturën e 11-të të Parlamentit Islamik të Iranit.

Abdurreza Rrahmani Fazli tha: "Nga kjo shifër 48% ishin femra dhe 52% ishin meshkuj".

Zgjedhjet parlamentare në Iran janë zhvilluar të premten më 21 shkurt në 208 zona zgjedhore.