Dita e dytë e manovrës ushtarake "Profeti më i Madh s.a.v.s."
Dita e dytë e fazës finale të manovrës së madhe ushtarake të përbashkët "Profeti më i Madh s.a.v.s. 14" zhvillohet sot me pjesëmarrjen e përbashkët të forcave detare dhe forcave ajrore-hapësinore të Gardës së Revolucionit Islamik të Iranit në zonën publike të provincës Hormozgan, në perëndim të Ngushticës së Hormuzit të Gjirit Persik deri në thellësinë e territorit të Iranit.
Agjencia e lajmeve IIRB njoftoi se dita e dytë e fazës finale të manovrës së madhe ushtarake të përbashkët "Profeti më i Madh s.a.v.s. 14" është zhvilluar me përdorimin e taktikave dhe pajisjeve moderne, pjesë e kapaciteteve të gjera të këtyre forcave përball kërcënimeve të improvizuara të armikut.
Sukseset e rëndësishme të forcave ajrore-hapësinore të Gardës Revolucionare të Iranit në këtë fazë të manovrës ushtarake "Profeti më i Madh s.a.v.s. 14" ishte hedhja me sukses e raketave balistike nga thellësi e tokës dhe në mënyrë plotësisht të fshehur dhe ky sukses i rëndësishëm krijon sfida të mëdha për organizatat inteligjente të armikut në përballjen e mundshme.
Operacionet e sulmeve raketore dhe me dronë kundër pozicioneve të armikut, operacionet e vendosjes minave dhe ndërprerja e linjave ndërlidhëse të lundrueseve të armikut të improvizuar, kryerja e operacioneve luftarake raketore nga ana e helikopterëve dhe hedhja e raketave tok-deti; janë realizuar në ditën e dytë të kësaj manovre ushtarake.
