Discovery drejt Tokës. Rruga e fundit, pastaj në muze

Anija kozmike Discovery ka nisur udhëtimin e kthimit nga Stacioni Ndërkombëtar i Hapësirës drejt Tokës.

Udhëtim që do të jetë fundi i një rruge të gjatë kërkimore. Discovery pritet të kthehet në 9 mars, duke përmbyllur kështu dhe misionin e fundit për t’u vendosur përfundimisht në muzeum. Dy anijet e tjera kozmike të NASA-s, Endeavour dhe Atlantis do t’i zhvillojnë udhëtimet e tyre të fundit në hapësirë në muajt prill dhe qershor. Tërheqja e anijeve kozmike bëhet pas 30 vitesh në shërbim, kostos së lartë dhe prodhimit të modeleve të reja.