Messi testohet për problemet në veshkë

Barcelona ka konfirmuar se ylli Lionel Messi ka kaluar sot ditën duke testuar “zhvillimin e problemeve me veshkë” që iu shfaq në fund të vitit të kaluar.

Rezultatet, që do të dalin nesër, mund të ndikojnë që lojtari të mungojë në gjysmëfinalen e dytë ndaj Valencias në Kupën e Mbretit. “Leo Messi do t’i nënshtrohet disa testeve të hënën dhe të martën për të parë zhvillimin e problemeve në veshkë”, ka njoftuar klubi. “Të mërkurën lojtari do të kthehet në ushtrime me skuadrën e parë”. Vlen të theksohet se argjentinasi shënoi tre gola ndaj ekipit të Shkodran Mustafit.