Kryeministri i emëruar i Libanit jep dorëheqje

Kryeministri i emëruar i Libanit, Mustapha Adib, dha dorëheqje të shtunën mes një ngërçi politik mbi formimin e qeverisë.

Njoftimi vjen gati një muaj pasi Adib u emërua në këtë detyrë dhe pas një takimi me presidentin libanez Michel Aoun. Ai gjithashtu vuri në dukje se lloji i kabinetit që ai donte të krijonte "ishte i detyruar të dështonte" dhe se ai ishte i etur për të mbrojtur unitetin kombëtar. "I kërkoj falje popullit libanez," shtoi Adib. Libani aktualisht është zhytur në krizën më të keqe politike, ekonomike dhe financiare të vendit në historinë e tij moderne. Vendi ka qenë në pritje të një administrate të re që kur Kryeministri në largim Hassan Diab dha dorëheqjen në 10 Gusht, disa ditë pasi një shpërthim i fuqishëm në kryeqytet vrau më shumë se 200 njerëz, plagosi mijëra dhe shkaktoi humbje me vlerë miliarda dollarë. Pas shpërthimit, Shtetet e Bashkuara dhe vendet e Evropës kanë rritur presionin ndaj zyrtarëve libanezë për të formuar një qeveri që siguron interesat e Perëndimit.