Infektohet me coronavirus, zyrtari i lartë palestinez

Kryenegociatori palestinez, Saeb Erekat është shtruar në spital, shkaku i infektimit me COVID-19.

Erekat, i cili doli pozitiv në fillim të këtij muaji, u transferua nga shtëpia në Bregun Perëndimor pas një kërkese nga zyrtarët palestinezë. Organizata për Çlirimin e Palestinës thotë se 65-vjeçari ka nevojë për kujdes urgjent sepse kishte bërë një transplant të mushkërive në vitin 2017. Erekat ka qenë një negociator kryesor në bisedimet e paqes me Izraelin për shumë vite. Ai ishte një nga arkitektët e Marrëveshjeve të Oslos, një seri marrëveshjesh të nënshkruara nga Izraeli dhe Palestina. Dëshmitarët okularë i thanë agjencisë së lajmeve reuters se panë Erekatin në një barelë jashtë shtëpisë në Jericho, duke e vendosur në një ambulancë.