Autoriteti Palestinez: Kodsi është vija jonë e kuqe

Autoriteti Palestinez e konsideron Kodsin dhe vendet e tij të shenjta si vijën e kuqe të Palestinezëve.

Sipas agjencisë palestineze të lajmeve Maa, "Nabil Abu Reina", zëdhënësi i Autoritetit Palestinez, të martën në mbrëmje tha se pushtimi sionist i Kodsit të okupuar, zgjerimi i vendbanimeve, ndarja e qytetit të vjetër të Kodsitë dhe periferisë së tij nga tokat e tjera palestineze synojnë krijimin e kushteve  për të bërë të pamundur Palestinën e pavarur. Abu Duraina deklaroi se regjimi sionist, në vazhdim të veprimeve të tij të njëanshme, ka sulmuar rreth 30 familje palestineze që jetojnë në Kodsin Lindor, veçanërisht në zonën Batan al-Haëi në Salëan dhe Sheik Al-Jarrah, dhe synon t'i dëbojë ata nga shtëpitë e tyre. Zyrtari palestinez tha se Izraeli pritet të vazhdojë të intensifikojë veprimet e paligjshme dhe të ndryshojë faktorët gjeografikë dhe demografikë të qytetit Kods dhe të fshijë identitetin dhe kulturën e tij Arabe përmes projekteve të ndërtimit të kolonive dhe infrastrukturës përkatëse, duke përfshirë ndërtimin e rrugëve dhe tuneleve.  Zëdhënësi i Autoritetit Palestinez bëri thirrje për ndërhyrjen e komunitetit ndërkombëtar dhe masa të menjëhershme për të ndaluar dhe ndjekur penalisht Izraelin, si dhe për të ndaluar shkeljet dhe për të detyruar regjimin sionist që të pajtohet me ligjin ndërkombëtar dhe rezolutat e KB.