Udhëheqësit palestinezë theksojnë nevojën e forcimit të unitetit kombëtar
Udhëheqësit palestinezë theksuan nevojën për të vazhduar përpjekjet për të rivendosur unitetin kombëtar dhe rezistencën e gjithanshme për të arritur një strategji të unifikuar kombëtare.
Udhëheqësit e Lëvizjes Palestineze të Rezistencës Islamike (Hamas) dhe Xhihadi Islamik u takuan të martën në Doha, kryeqyteti i Katarit për të diskutuar mbi zhvillimet në lidhje me ringjalljen e unitetit kombëtar Palestinez dhe përfundimin e mosmarrëveshjeve bazuar në organizimin e zgjedhjeve presidenciale, parlamentare dhe lokale. Hamas dhe Xhihadi Islamik gjithashtu shqyrtuan mënyrat për të forcuar Frontin Kombëtar për të shtuar përpjekjet për të zgjidhur çështjen Palestineze, për të kundërshtuar aneksimin e territoreve Palestineze nga Izraeli dhe për të kundërshtuar normalizimin e marrëdhënieve me regjimin sionist. Dy delegacionet palestineze e konsideruan rezistencën si opsionin e vetëm kombëtar që garanton arritjen e qëllimeve dhe interesave të popullit palestinez. Delegacionet e Hamasit dhe Xhihadit Islamik diskutuan zhvillimet në rajon dhe botë dhe reflektimin e tyre mbi realitetin e Palestinës, si dhe të ardhmen e situatës politike në Palestinë dhe mënyrat e bashkëveprimit.