112 të plagosur në përleshjet në Tripoli, Liban

Kryqi i Kuq Libanez njoftoi se 112 njerëz u plagosën në protestat dhe dhunën në qytetin verior të Libanit, Tripoli.

Sipas Agjencisë Kombëtare Libaneze të Lajmeve, protestuesit libanezë demonstruan në qytetin verior të Tripolit për të katërtën ditë me radhë, duke shkatërruar kamerat e vëzhgimit dhe duke i vënë flakën koshave të plehrave.  Demonstratat janë zhvilluar gjatë ditëve të fundit në protestë për situatën e dobët ekonomike, menaxhimin e epidemisë së Koronës dhe kundërshtimin ndaj zgjatjes së karantinës mbarëkombëtare të zgjatur së fundmi nga Këshilli i Lartë i Mbrojtjes në Liban deri në Shkurtin e ardhshëm. Tripoli, një nga qytetet më të varfra të Libanit, që nga e hëna ka qenë skena e përplasjeve të dhunshme gjatë natës midis forcave qeveritare dhe protestuesve. Ata thonë se nuk mund ta kthejnë jetën e tyre me karantinë. Pas tre netësh përplasjesh të dhunshme në Tripoli që vrau një person dhe plagosi më shumë se 300, njerëzit dolën përsëri në rrugë dje para shtëpive të disa figurave të famshëm. Në përgjigje të dhunës në Tripoli, Kryeministri i rrëzuar i Libanit Saad al-Hariri e quajti të papranueshëm sulmin ndaj ndërtesës së qeverisë dhe selisë dhe e dënoi atë.