Guterres: Çdo 10 minuta, vdes një fëmijë në Jemen

Sekretari i Përgjithshëm i KB, i cili deri më tani nuk ka ndërmarrë ndonjë veprim serioz për të detyruar koalicionin Saudit të ndalojë sulmet e tij ndaj Jemenit, tha se çdo 10 minuta një fëmijë jemenas vdes për shkak të sulmeve ose sëmundjeve në vend.

Sipas Al-Jazeera, Sekretari i Përgjithshëm i KB Antonio Guterres e quajti situatën humanitare në Jemen "jashtëzakonisht të rëndë" pa përmendur ndikimin e sulmeve të koalicionit Saudite kundër Jemenit në shëndetin e popullit të tij, veçanërisht fëmijëve. Guterres theksoi se fëmijët jemenas janë në rrezik të lartë dhe se 400,000 fëmijë jemenas janë kequshqyer rëndë dhe mund të vdesin nëse nuk marrin ushqim menjëherë. Arabia Saudite, me mbështetjen e Shteteve të Bashkuara, Emirateve të Bashkuara Arabe dhe disa vendeve të tjera, ka nisur një pushtim ushtarak ndaj Jemenit që nga marsi i vitit 2015 dhe ndaj këtij vendi ka vendosur një rrethim tokësor, detar dhe ajror. Shpërthimi i luftës nga Arabia Saudite dhe aleatët e saj në Jemen deri më tani ka vrarë më shumë se 17,000 Jemenas, plagosur dhjetëra mijëra dhe zhvendosur miliona Jemenas. Agresioni ushtarak saudit ka lënë gjithashtu vendin e varfër të Jemenit me mungesë të madhe ushqimesh dhe ilaçesh.