Algjeria refuzon përsëri të normalizojë marrëdhëniet me regjimin sionist

Presidenti algjerian të mërkurën në mbrëmje përsëriti se vendi i tij nuk do të normalizonte kurrë marrëdhëniet me pushtuesit izraelitë.

Sipas IRNA, "Abdelmadjid Tebboune" ndërsa refuzoi çdo përpjekje për të normalizuar marrëdhëniet me regjimin sionist, theksoi mbështetjen e aspiratave të popullit palestinez. Algjeria është një vend që, ndryshe nga fqinji i saj Maroku, hedh poshtë çdo marrëdhënie me regjimin sionist dhe gjithmonë këmbëngul në pozicionin e saj të vendosur për të mbështetur popullin Palestinez. Kryeministri algjerian Abdulaziz Jarad në dhjetor 2020, pas normalizimit të marrëdhënieve të Marokut me regjimin sionist, shprehu pakënaqësinë e vendit të tij me këtë veprim, duke thënë se një vullnet i huaj dëshiron ta sjellë regjimin sionist më afër kufijve tanë. Ish Presidenti i Shteteve të Bashkuara Donald Trump në Dhjetor 2020 njoftoi se Maroku kishte rënë dakord të normalizonte marrëdhëniet me Izraelin, duke e bërë atë vendin e katërt që normalizoi zyrtarisht marrëdhëniet me Tel Aviv vitin e kaluar përmes ndërmjetësimit të administratës së mëparshme të SHBA. Vitin e kaluar, Sudani, Bahrejni dhe Emiratet e Bashkuara Arabe bënë publike normalizimin e tyre të marrëdhënieve me regjimin sionist.